CNEL-President & Weeltzer Museker
Luca N. Roettgers
Ech si Schülervertrieder a Museker. Ech engagéieren mech politesch, well ech dovun iwwerzeegt sinn, datt jonk Mënschen eng staark Stëmm an eiser Gesellschaft mussen hunn. D'Politik faszinéiert mech scho Joere laang a wann ech och nëmmen d'Liewe vun engem Mënsch bëssen zum Gudde verännere kann, ass et dat wäert.
Gläichzäiteg spillt d’Musek zënter menger Kandheet eng zentral Roll a mengem Liewen. Si léiert mech Nolauschteren, Disziplin a Verantwortung. Si bidd mir awer virun allem eng Auszäit vum Alldaag.
Béid Beräicher beaflosse, wéi ech denken, handelen a Verantwortung iwwerhuelen.
Politik
CNEL
Conférence Nationale des Élèves du Luxembourg
LESC-Schülercomité & CNEL
Mäi politescht Engagement huet am Schülercomité vum Lycée Edward Steichen zu Clierf ugefaangen, wou ech geléiert hunn, Verantwortung ze iwwerhuelen an d’Interesse vu Schülerinnen a Schüler konkret ze vertrieden. Deen Austausch tëscht Schüler an Diektioun huet mir gewisen, wéi wichteg eng staark a seriö Schülervertriedung ass. Säit dem 10. Dezember 2024 sinn ech President vun der Nationaler Schülerkonferenz vu Lëtzebuerg (CNEL). An der Roll vertrieden ech d’Schülerinnen an d'Schüler aus dem ganze Land op nationalem an internationalem Niveau a schaffen un Themen ewéi Bildungspolitik, Schülerrechter a Jugendbedeelegung. Mäin Zil ass et, datt d’Meenunge vu jonke Leit net nëmme gelauschtert, mee och eescht geholl a respektéiert ginn.
Musek
Weeltzer Musek
Harmonie Grand-Ducale et Municipale de la Ville de Wiltz
Weeltzer Musek & EVEA
D’Musek ass zënter menger Kandheet en zentrale Bestanddeel vu mengem Liewen. Ech si Member vun der Weeltzer Musek (der eelster Musek aus dem Land), wou ech am Orchester als Percussionist aktiv sinn an e wonnerbaart Zesummespill erliewen. Zousätzlech sinn ech säit 2022 all Joers am Summer beim "Sinfonisches Blasorchester Eifel Ardennen" dobäi. Déi Woch gëtt mir d’Méiglechkeet, mat anere jonke Musekerinnen a Museker aus der Belge, Däitschland a Lëtzebuerg zesummenzeschaffen, nei Impulser ze kréien a mech musikalesch weiderzeentwéckelen. Dës Erfarunge stäerken net nëmmen meng musikalesch Kompetenzen, mee och mäi Verständnis vu Teamaarbecht.
D'groussherzoglech Koppel huet de Luca Roettgers inspiréiert
Bei enger Visitt vun der groussherzoglecher Koppel am Clierfer Lycée 2022 gouf et ee Schüler, deen déi Renconter besonnesch inspiréiert huet.
RTL-Artikel
Wéi stinn d'Lëtzebuerger Jugendvertrieder zu engem Social-Media-Verbuet fir Jonker?
Et wier ee sech de Gefore vun de soziale Medie bewosst, ma eng Altersverifikatioun eleng géif de Problem net léisen.
RTL-Artikel
Interview mat der CNEL am Virfeld vun der Rentrée
De Start an d’Schouljoer, Zougang zum “Eduroam” a Generatiounegerechtegkeet
RTL-Artikel
Kloertext: "Ass d’Schoul haut scho fit fir d’Zukunft?"
Educatioun tëscht KI a Social Media, Schoul tëscht Gewalt a Chancëgläichheet – dorëm goung et en Donneschdeg den Owend an der Emissioun mam Caroline Mart.
RTL Kloertext
mat Artikel
Iwwert mech
Kontakt
Telefon CNEL (CGJL)
+352 40 60 90-333
Adresse CNEL (CGJL)
87 Rte de Thionville, 2611 Bouneweg-Süd Luxembourg
Email CNEL
info@cnel.lu
Diese Website ist nicht Teil der Facebook-Website oder der Facebook Inc. Außerdem wird diese Seite in keiner Weise von Facebook unterstützt. Facebook ist eine Marke der Facebook, Inc. Wir verwenden Google Remarketing-Pixel/Cookies auf dieser Website, um mit den Besuchern unserer Website in Kontakt zu treten und sicherzustellen, dass wir sie auch in Zukunft mit relevanten Nachrichten und Informationen erreichen können. Google zeigt unsere Anzeigen auf Websites von Drittanbietern im Internet an, um unsere Botschaft zu vermitteln und die richtigen Personen zu erreichen, die in der Vergangenheit Interesse an unseren Informationen gezeigt haben.